Poslovne vijesti - Makedonija

Новиот закон за финансиска дисциплина наскоро пред Влада

Новиот закон за финансиска дисциплина со кој треба да се подобри ликвидноста на стопанските субјекти е во завршна фаза и наскоро ќе се најде на владина седница.

Според вицепремиерот и министер за финансии, Зоран Ставрески, се очекуваат позитивни мислења од страна на стопанските комори бидејќи во законот се содржани предлози што тие ги сугерираат.

- Тоа е добар закон за да се подобри финансиската дисциплина, да се заштитат кредиторите, да се подобри ликвидноста на стопанството. За десетина дена ќе се најде на владина седница и потоа ќе оди во Собрание - рече Ставрески кој појасни дека регулирањето на обврските меѓу приватните субјекти е дадено со рокови и изнесува 60 дена, освен доколку двете странки не се договорат поинаку, тогаш може да биде максимално до 120 дена. Но, исто таква одредба ќе има помеѓу државните институции и приватните, значи 60 односно 120 дена за плаќање.